Alda Nielsdóttir
Næsta ár útgevur Benjamin Rajani sína debutplátu “Tá hvørt ljós líkist tær”, framleidd í samstarvi við Esben Svane (Hjalmer, Kalaset, Beinir). Nú er hann klárur við atmosferiska næsta staklagnum "Mánakvøld".
Eitt mánakvøld kann bæði setast í sambandi við ein vanligan gerandismánadag, men eisini eitt kvøld, har mánin lýsur. Hendan dualistiska náttúran verður eisini avspeglað í sanginum. Ein vanligur gerandisdagur kann umbroytast til eina undurfulla mánalýsisnátt, har møguleikarnir tykjast endaleysir, tá persónurin tú elskar er við tína lið, sigur Benjamin Rajani í tíðindaskrivi.
Við dragandi og sissandi guitartónum, trummum og ambientum ljóðlandsløgum er "Mánakvøld" perfekti sangurin til komandi heystævintýrini.
Sangurin hevur longu leitt til eina samrøðu á DR P5, og er eisini í umferð í Uniradioen.
Vinarliga broyt tínar kennifíla - og privatlívsstillingar fyri at síggja hetta innihald