Berlusconi: - Lurtið eftir ráðunum og berið munnbind

Fyrrverandi italski forsætisráðharrin, 83 ára gamli Silvio Berlusconi, er nú skrivaður út av sjúkrahúsinum, har hann hevur verið innlagdur við covid-19.

Berlusconi segði við fjølmiðlarnar í hesum sambandi, at fólkið í Italið eigur at taka koronavirusið í álvara og fylgja leiðreglunum um at bera munnbind.

Berlusconi sigur at sjúkan kanska hevur verið størsta avbjóðingin í lívi hansara. Hann hevur fyrr havt trupulleikar við hjartanum, og hevur kvikil – ’pacemakara’.

Tíðindini um at hann var smittaður við koronavirus komu 2. september. Stutt eftir varð hann lagdur inn á sjúkrahús í Milano við byrjandi lungnabruna.

Sambært Berlusconi, vóru serliga teir fyrstu dagarnir á sjúkrahúsinum sera truplir, skrivar Reuters.