Betri Banki lækkar útlánsrenturnar

Fyri fyrstu ferð í fimm ár hevur danski Tjóðbankin lækkað leiðandi rentuna. Rentan lækkar við 0,25 prosentstigum, og tað hevur við sær, at Betri Banki eisini lækkar útlánsrenturnar, boðar bankin frá í tíðindaskrivi.

Hesar rentulækkingarnar eru fráboðaðar, eftir at Evropeiski Miðbankin, ECB fyrr í dag boðaði frá fyrstu rentulækkingini síðan september 2019. Hendan rentulækkingin var somuleiðis 0,25 prosentstig, úr fýra niður í 3,75 prosent.

Fyri privat- og vinnukundar lækka útlánsrenturnar við upp til 0,25 prosentstigum, men innlánsrenturnar verða óbroyttar, boðar Betri Banki frá.

Broytingarnar hjá Betri Banka koma í gildi 16. juli.