Biden heiðraði 14 persónar á tvey ára degnum fyri álopið á Kongressina

Fríggjadagin vóru tvey ár liðin síðan álopið á amerikonsku Kongressina 6. januar 2021, tá fimm fólk lótu lív, og 140 løgreglufólk vórðu særd, og hetta markeraði amerikanski forsetin, Joe Biden, sum segði dagin vera "ein av daprastu tíðunum í søguni hjá okkara tjóð".

Í sambandi við tvey ára dagin fyri hendingina, heiðraði Biden 14 persónar, sum sambært honum stríddust fyri at verja fólkaræðið eftir forsetavalið í 2020.

Hesir persónar fingu "The Presidential Citizens Medal", sum er næsthægsti heiður, eitt sivilfólk kann fáa í USA, skrivar Reuters.

Millum teirra, sum fingu heiðrinum vóru politikarar, sum sambært Biden stríddust ímóti trýstinum at ógilda úrslitið av forsetavalinum í teirra statum, og løgreglufólk, harav fleiri, sum lótu lív eftir álopið.