Alda Nielsdóttir
Amerikanski forsetin, Joe Biden hevur boðið komandi forsetanum, Donald Trump á vitjan í Hvítu Húsunum.
Teir báðir hittast mikudagin klokkan 16 føroyska tíð, og tað verður fyrstu ferð síðan sjónvarpskjakið í juni, har Biden kláraði seg so illa, at heitt varð á hann um at taka seg úr forsetavalstríðnum, sum hann so gjørdi nakrar vikur seinni.
Í staðin gjørdist varaforsetin, Kamala Harris forsetavalevni hjá Demokratunum, og sum kunnugt tapti hon valið móti Trump týsdagin.
Við sigrinum hjá Trump gerst hann sostatt bæði undanmaðurin og eftirmaðurin hjá Joe Biden.
Bæði Biden og Harris hava boðað frá, at tey vilja arbeiða fyri einum friðarligum valdsskifti.
Eftir ætlan verður Trump tikin í eið sum 47. forsetin í USA á hátíðarhaldi í Washington D.C. 20. januar 2025. Inntil tá væntast Trump og toymi hansara at fyrireika seg í heima hansara í Florida, frítíðarstaðið Mar-a-Lago, skrivar Ritzau.
Vinarliga broyt tínar kennifíla - og privatlívsstillingar fyri at síggja hetta innihald