Biden og Xi hittast í komandi viku

Mikudagin 15. november hittast amerikanski forsetin, Joe Biden, og kinesiski forsetin Xi Jinping, upplýsa Hvítu Húsini sambært fleiri miðlum.

Biden og Xi skulu m.a. umrøða sambandið millum USA og Kina, og fleiri altjóða kreppur, verður sagt.

Fundurin verður í USA. Sambært kinesiska uttanríkismálaráðnum verður kinesiski forsetin í USA í døgunum 14. til 17. november. Xi skal eisini luttaka á árliga APEC-toppfundinum millum Kyrrahavslond, sum í ár verður hildin í San Francisco.