Biden: Støðan verður helst sum vanlig um eitt ár

- Vit vita tað ikki við vissu, men mín vón er, at vit hesa tíðina næsta ár, eru vend aftur til tað vanliga lívið.

Hetta segði forsetin, Joe Biden, í sjónvarpsrøðu í gjárkvøldið. Biden vísti á, at um hetta skuldi eydnast, so er neyðugt, at amerikanarar "gera tað rætta" og skilja, at man missur nakað á vegnum.

Leygardagin kom koronuætlanin hjá Joe Biden fyri beint undir 1,9 billiónir dollarar ígøgnum í Umboðsmannatinginum. Nú vantar viðgerðin í hinum kamarinum í Kongressini - í Senatinum. Ætlanin er, at peningurin skal nýtast til at økja um møguleikan fyri at kanna og koppseta fyri at koppseta, umframt at styrkja búskapin.Hetta er ikki bert neyðugt búskaparliga men eisini á tí moralska økinum, sló Biden fast.

Forsetin segði eisini, at hann fer at heita á statirnar um at raðfesta skúlalærarar, so at børn kunnu sleppa aftur í skúla. Orsøkin er millum annað stúran fyri sálarligu heilsuni hjá børnum, og at munurin gerst ov stórur millum næmingar, tá undirvíst verður á alnótini. Ætlanin er, at tá mai mánaði er av, so er størsti parturin av næmingunum aftur í skúlunum.

Tað er júst í mai, at nóg mikið av koppsetingum eru til øll tey vaksnu í USA, um tað gongst sum ætlað. Hetta er tí, at Merck fer at hjálpa við at gera Johnson & Johnson koppsetingina, sum í vikuskiftinum varð góðkend, og sum bert krevur eitt prik. Hetta kunngjørdi Biden eisini í røðuni. Trupulleikin hjá forsetanum og amerikanarum er, at tað ikki eru nóg nógv heilsustarvsfólk til fyri at koppseta so skjótt, sum koppsetingarnar verða tøkar.