Bilarnir máttu flytast av staðnum

Um 11 tíðina fyrrapartin fekk løgreglan fráboðan um ein samanstoyt millum tveir bilar við útkoyringina á Norðskála út á landsvegin um brúnna.

Trý fólk vóru í teimum báðum bilunum, og øll trý vórðu flutt á Landssjúkrahúsið við politieskortu.

Vaktleiðarin á løgreglustøðini upplýsir seinnapartin, at bilarnir fingu so mikið stóran skaða, at teir máttu flytast av staðnum við hjálp frá Tórshavnar sløkkiliði.

Í sambandi við ferðsluóhappið var vegurin stongdur eina løtu, men umleið klokkan 13 var aftur koyrandi.

Einki bendir á, at tað er hálka, sum er orsøkin til óhappið, sigur løgreglan.