Alda Nielsdóttir
Í morgun brast ein bilbumba á brúnni millum Russland og Krim-hálvoynna, og eldur kom í fleiri tankavognar, sum skuldu við toki til Krim.
Russisku myndugleikarnir upplýsa, at mann hevur stongt fyri ferðsluna yvirum brúnna og eru ferjur settar inn í staðin.
Russiski forsetin, Vladimir Putin hevur sett eina stjórnarnevnd, sum skal staðfesta orsøkina til oyðileggingarnar á fýra ára gomlu Krim-brúnni, skrivar DR.
Brúgvin hevur tó ikki fingið stóran skaða, og verður skjótt at bøta um hann.
Krim-hálvoyggin hevur verið hersett av russum síðan 2014, men flestu lond viðurkenna ikki Krim sum partur av Russlandi.
Mikhail Podolya, ráðgevi hjá ukrainska forsetanum, Volodymyr Zelenskyj hevur deilt eina dagføring á Twitter, sum gevur ábendingar um, at Ukraina stendur aftanfyri.
– Krim, brúgvin, byrjanin. Alt, sum er ólógligt skal oyðileggjast, alt, sum er stolið, skal latast aftur til Ukraina, alt, sum er hersett av Russlandi má rekast burtur, skrivar hann.
Crimea, the bridge, the beginning. Everything illegal must be destroyed, everything stolen must be returned to Ukraine, everything occupied by Russia must be expelled. pic.twitter.com/yUiSwOLlDP
— Михайло Подоляк (@Podolyak_M) October 8, 2022
Vinarliga broyt tínar kennifíla - og privatlívsstillingar fyri at síggja hetta innihald