Bill er nú limur í Fólkaflokkinum

Bill Justinussen er farin úr Miðflokkinum og er nú limur í Fólkaflokkinum. Tað váttar hann fyri VP í dag.

– Eg eri ov borgarligur til Miðflokkin. Nú eg ikki eri tingmaður longur, vil eitt floksskifti ikki skaða tann flokkin, sum eg var við til at stovna fyri góðum 30 árum síðani, sigur hann.

- Brotið við Miðflokkin er hent í virðing og sóma frá báðum pørtum, og tað fegnist eg stórliga um.