Bilur fór á rull í Sandavági

Tað kundi endað galið tá ein bilur um sjey tíðina í gjárkvøldið fór á rull í Sandavági. Hann fór á rull frá Ovastuhjøllum og steðgaði 20 metrar frá landsvegnum, sum gongur gjøgnum bygdina.

Jn.fo skrivar, at fyrst rullaði 50 metrar eftir vegnum á Ovastuhjøllum, og fór síðan oman av vegnum og eftir bønum tvørtur um vegin á Miðhjøllum og endaði millum tvey hús á Giljavegi.

Tá hevði bilurin rullað 150 metrar.

Á løgreglustøðini í dag verður sagt, at tað er óvist hví bilurin er farin á rull. Men tíbetur var eingin í bilinum, og heldur eingin fekk skaða av hendingini.