Bilur koyrdi inn í Mannamúgvu í Týsklandi

Fýra fólk hava latið lív, eftir at ein bilur í gjárkvøldið koyrdi inn í eina mannamúgvu á einum jólamarknaði í týska býnum Magdeburg.

Ein 50 ára gamal maður úr Saudiarabia er handtikin í sambandi við hendingina, sum verður kannað sum eitt álop, upplýsa lokalu myndugleikarnir. Mett verður, at hann arbeiddi einsamallur.

Sambært Ritzau er maðurin lækni og býr í býnum Bernburg umleið 46 kilometrar sunnanfyri Magdeburg.

Umframt at fýra fólk hava latið lív, eru fleiri onnur særd. Um 70 fólk eru særd, harav umleið 15 eru álvarsliga løstað.