Bilur stolin á aljósum degi í miðbýnum í Havn

Um eitt tíðina sunnudagin varð ein persónbilur stolin í miðbýnum í Havn. Talan var um ein bil, sum stóð parkeraður í Tórsgøtu.

Tað vísti seg, at maðurin hevði brotið inn í kjallarahæddina í gamla bankabygninginum við Steinatún, har m.a. Visit Tórshavn heldur til.

Í einum starvsfólkarúmi í kjallarahæddini hevði maðurin tikið einar billyklar. Hann stjól síðani bilin, sum stóð parkeraður í Tórsgøtu.

Stuldurin varð meldaður til løgregluna, og umleið tveir tímar seinni kom løgreglan fram á bilin. Maðurin varð handtikin. Tað vísti seg, at hann var drukkin, og hevði heldur ikki koyrikort til at koyra bil.

Hann varð sostatt skuldsettur fyri fýra lógarbrot: Innbrot, brúksstuldur, rúsdrekkakoyring og koyring uttan førararætt.