Bilur stolin í Havn

Ein persónur er undir illgruna í einum máli um bilastuldur í Havn.

Ein bilur varð stolin fríggjadagin, og eigarin eftirlýsti hann á Facebook og boðaði eisini løgregluni frá. Leygardagin varð hann so funnin aftur, og løgreglan heldur seg hava funnið tjóvin. Men viðkomandi noktar seg sekan, sigur vaktleiðarin á løgreglustøðini í Havn.

Løgreglan veit ikki, hvussu tjóvurin hevur fingið fatur á lyklunum, men um lyklarnir hava verið í bilinum, verður eigarin helst skuldsettur fyri ikki at hava tryggjað bilin nóg væl, verður sagt.