Bilur stolin í morgun

Um hálvgum níggju tíðina í morgun fekk løgreglan boð um, at ein bilur var stolin í Haraldssundi.

Talan var um ein hvítan Peugeot Boxer við nummarplátuni RB 196.

Men stutt áðrenn klokkan 10 var bilurin funnin aftur. Vaktleiðarin á politistøðini sigur, at bilurin ongan sjónligan skaða hevði fingið.

Eingin er skuldsettur í málinum, sum nú verður kannað nærri.