"Birita" í Filmsfelagnum

Mikukvøldið í komandi viku fer leikstjórin, Búi Egason Dam, at innleiða sýningina við nýggja heimildarfilminum "Birita" í Filmsfelagnum, skrivar Filmsfelagið í tíðindaskrivi.

Í filminum fylgja vit einum bólki av sjónleikarum í Havn, sum arbeiða við at seta klassiska leikin “King Lear” eftir William Shakespeare á pall. Samstundis er ætlanin at fagna høvuðsleikaranum, Biritu Mohr, ið hevur Alzheimers. Filmaði leikurin gerst nemandi og djúpt persónligur, ikki minst tí, at leikstjórin er Búi Egason Dam, sonur Biritu.

Við hesum heimildarfilmi er Búi drivin av sannføringini um, at hóast mamman hevur mist førleikan at tosa, so leingist henni at sleppa aftur á staðin, sum fyri ein stóran part hevur definerað hennara professionella lív, sjónleikarapallin, ið nú verður varpaður upp á filmsløriftið.

Sum leikstjóri skal Búi stríðast fyri at rættvísgera treytirnar kring verkætlanina, meðan pápin, Egi Dam, ið nú er pensjoneraður leikstjóri, roynir at skapa javnvág ímillum umsorgan og egnan trivnað.

Mitt í øllum hesum merkisverda fyritaksemi verður káta nærveran hjá Biritu ein kærkomnin lættleiki í tilgongdini, so filmsgerðin fær djúpa ávirkan á øll, ið eru við.

Eykasýning við "Birita" er í Havnar Bio leygardagin klokkan 13, skrivar Filmsfelagið.