Birita Matras Petersen á ting fyri fyrstu ferð

Valúrslit.fo: Birita Matras Petersen, sum umboðar Javnaðarflokkin, tekur fyri fyrstu ferð sætið á Løgtingi í dag.

Hon avloysir Bjarna Hammer komandi vikurnar.

Á løgtingsvalinum í 2022 fekk hon 159 atkvøður. Hon fekk millum annað 80 persónligar atkvøður í Klaksvík, 22 í Havn og 13 á Fossanesi. Hetta var fyrstu ferð, at hon stillaði upp.

Birita Matras Petersen er 27 ára gomul og lesur søgu á Fróðskaparsetri Føroya.

Birita er sætta varafólki, sum situr á Løgtingi hetta valskeiðið.