Biskupsstøðgøta í Klaksvík verður breiðkað

Vanliga verður økið prýtt við ljósum í jólatíðini, men tað letur seg tíverri ikki gera í ár. Nøkur av teimum størru trøunum verða tó varðveitt og flutt í lundina við skúlan.

Vegaarbeiðið fevnir um at breiðka vegin við umleið trimum metrum fyri at gera pláss til busslummarnar. Tá arbeiðið er liðugt, verða nýggir runnar settir aftur sunnanfyri fortovið.

Endamálið við verkætlanini er at tryggja betri og tryggari umstøður fyri bussferðsluna, serliga fyri skúlabørn, sum dagliga ferðast til og frá skúla.

Við teimum nýggju busslummunum verða busssteðgiplássini flutt úr miðbýnum til Biskupsstøðgøtu, har góð og rúmlig viðurskifti verða á báðum síðum av vegnum.

Klaksvíkar kommuna