Jákup Bech Jensen
Blátt Gras bergtók fjøldina á Akureyri!
- Eg føldi longu frá fyrsta sangi, at eg hevði sera gott samband við áhoyrararnar, sigur Jóhan Mikkelsen, sum er forsangari í Bláum Grasi.
- Vit hava glett okkum ótrúliga nógv til at spæla á Akureyri. Hetta er aðru ferð, at vit spæla uttanlands, sigur Ragnar Joensen, sum umframt at spæla tangnetar eisini spælir upp á vaskibretti.
Hann leggur afturat, at hann vónar, at teir kunnu koma aftur til Akureyrar at spæla.
- Atmosferan var super góð í kvøld, og áhoyrarirnir vóru sera vinaligir og jaligir.
- Tað var eitt sindur løgið, at tey fyrstu sum komu inn, stundisliga kl. 21, komu og settu seg fremst. Vit eru vanir við at føroyingar seta seg aftast sigur Niels Terje Johannesen, sum er maðurin, sum spælir mandolin og guitar.
Orð og myndir: Jákup Bech Jensen
Vinarliga broyt tínar kennifíla - og privatlívsstillingar fyri at síggja hetta innihald