Blómuhandil verður partur av nýggja Borg

Eigarin av Borg, Rodmundur Nielsen, og Anna Hansen, eigari av blómuhandlinum Várperla í Runavík, eru vorðin samd um at flyta saman.

Eftir ætlan flytir Borg inn í nýggja og snotiliga bygningin á nýggja havnalagnum á Glyvrum tíðliga í summar, og í dag kundu tey kunngera, at Várperla flytir við.

Báðir partar eru fegnir um hesa avtalu, og serliga fegnast Anna Hansen um at koma inn í nýggj og størri hølir, sum verða við til, at úrvalið hjá Várperlu á fleiri økjum kann gerast munandi størri og betri, skrivar Borg í tíðindaskrivi. 

Várperla letur sostatt upp í nýggjum hølum hjá Borg, sama dag sum Borg á Glyvrum letur upp.