Boðaðu frá nógvum royki á miðnámsskúlanum á Kambsdali

Í gjárkvøldið klokkan 23.21 varð boðað frá nógvum royki á miðnámsskúlanum á Kambsdali.

Fuglafjarðar sløkkilið varð boðsent, og løgreglan fór eisini á staðið. Tað vísti seg, at eldur hevði verið í einum elskápi í kjallaranum, og var tað, sum var orsøkin til nógva roykin.

Tað vóru tvey fólk, sum bakaðu føstulávintsbollar til skúladagin í dag, sum boðaðu frá. Tey vórðu send á Landssjúkrahúsið til kanningar fyri roykeitran, upplýsir vaktleiðarin á løgreglustøðini í Havn.