Borgarafundur um vindmyllurnar á Eiði í kvøld

Nógv hevur verið tosað um vindmylluætlanina hjá SEV á Suðurhelvt. Støða er framvegis ikki tikin um, júst hvat skal henda, men í kvøld fara umboð frá SEV at greiða frá ætlanini á borgarafundi, sum verður í Hólmahúsinum á Eiði.

Eisini fer Føroya Fuglafrøðifelag at leggja síni sjónarmið fram. Eftir framløgurnar frá SEV og Føroya Fuglafrøðifelag verður møguleiki hjá borgarum at seta spurningar.

Hetta skrivar Eiðis kommuna á heimasíðu sínari. 

Koronutilmælini verða fylgd, og tí kunnu í mesta lagi 200 borgarar savnast til fundin, ið byrjar klokkan 19.