Borgarliga samgongan nærkast

Enn er ikki komið á mál, men seinastu tøkini vera í dag tikin. Bárður á Steig Nielsen, samráðingarleiðari skal á middegi í morgin boða løgtingsformanninum, Páll á Reynatúgvu, um hann hevur megnað at skipað samgongu ella ikki.

Og tað sær positivt út. Bárður á Steig Nielsen segði við útvarpið á middegi, at hann vónaði at næstu tímarnar ella dagarnar fór hetta at verða avgreitt.

Enn hevur ikki verið tosað um málsøkini, og hvør fær ymsu landsstýrissessirnar. Politikkurin verður avgreiddur fyrst, sigur Bárður á Steig Nielsen.