Boris Johnson kemur við endaligu brexitætlanini í dag

Bretski forsætisráðharrin, Boris Johnson fer í dag at leggja fram uppskot til nýggja skilnaðaravtalu við ES.

Hesum boðaði skrivstovan hjá forsætisráðharranum frá í gjárkvøldið. Skrivstovan undirstrikar, at talan er um eitt endaligt tilboð, og at einasta alternativið er eingin avtala.

Væntað verður, at ein ætlan fyri brexit verður løgd fram á landsfundinum hjá konservativa flokkinum, sum endar í dag, skrivar DR.