Bót fyri at fiska á stongdari leið

Skipararnir á partrolarunum Heykur og Falkur eru nú skuldsettir fyri at fiska á stongdari leið, og kunnu teir vænta sær eina bót.

Tað var seinnapartin í gjár, at Heykur og Falkur komu á Havnina við Tjaldrinum, eftir at teir vórðu tiknir í at fiska á stongdari leið norðanfyri Fugloynna (Kassa U).

Løgreglan sigur í morgun, at tey hava avhoyrt skipararnar, og at teir hava játtað seg sekar.

Teir høvdu fiskað 3,6 tons, og tað fáa teir eina bót fyri. Hvussu stóra bót talan er um, veit løgreglan ikki at siga, tí tað er Fiskiveiðieftirlitið, sum ásetur hana.