Bretar teir fyrstu at góðkenna koronavaksinu

Heilivágsfyritøkurnar Pfizer og Biontech hava fingið góðkent teirra koronavaksinu í Stórabretlandi. Sostatt kann farast undir at koppseta móti korona í Bretlandi longu í næstu viku.

Tað upplýsir bretska stjórnin í einum tíðindaskrivi. Góðkenningin er gjørd eftir tilmæli frá bretska heilivágsstýrinum.

Stórabretland er sostatt fyrsta vestanlandið, sum góðkennir eina vaksinu móti korona.

Pfizer hevur eisini søkt um at fáa góðkent vaksinuna í ES. Í gjár segði evropeiski heilivágsstovnurin EMA, at tey fóru at koma við eini avgerð í seinasta lagið 29. desember, skrivar Ritzau.