Uttanlands

Bretar vilja útseta Brexit

412 atkvøddu fyri og 202 atkvøddu ímóti at útseta Brexit í kvøld

Theresa May (Savnsmynd)

Theresa May (Savnsmynd)

2019-03-14 18:56 Author image
Alda Nielsdóttir

Bretar ynskja at útseta Brexit fyri at fáa eina avtalu í lag við ES.

Hetta gjørdist greitt, tá ein stórur meiriluti í bretska undirhúsinum atkvøddu fyri at biðja ES um eina útseting av Brexit.

412 atkvøður vóru fyri, og 202 atkvøður vóru ímóti.

Hetta hendir eftir at ein meiriluti í undirhúsinum gjørdi greitt, at teir ikki ynskja at fara úr ES uttan eina skilnaðaravtalu.

Fyri at Bretland skal sleppa at útseta Brexit, noyðast øll 27 limalond í ES at taka undir við hesum, og verður málið tikið upp á einum toppfundi í næstu viku.

Sambært DR segði ES forsetin, Donald Tusk fyrr í dag, at hann vil biðja limalondini um at vera opin fyri eina útseting av Brexit.

placeholder
placeholder