Bretland: Nigel Farage stillar ikki upp til valið

Leiðarin av Brexitflokkinum, Nigel Farage, stillar ikki upp til tjóðartingsvalið í Bretlandi.

Hesum boðaði hann frá í sendingini "The Andrew Marr Show" í dag.

Í staðin fyri at stríðast í tjóðartinginum, ætlar hann at ferðast runt kring Bretland – og byrjað verður í morgin.

Flokkurin hjá Nigel Farage stríðist fyri at fáa bretar úr ES uttan avtalu – eitt sonevnt hart brexit.

Sambært Politiken hevur hann heitt á teir flokkarnar, sum ynskja Bretland úr ES, um at standa saman um at gjøgnumføra brexit.

Fríggjadagin skeyt hann upp, at Boris Johnson skuldi droppa sína skilnaðaravtalu og stuðla Brexitflokkinum í valstríðnum. Men hetta noktaði Johnson at gera.