Broytingar í ferðaætlanini hjá Teistanum

Landsverk boðar frá nógvum vindi í støðum, og veðrið hevur við sær fleiri avlýsingar hjá Strandferðsluni.

Í løtuni koyra Bygdaleiðirnar 700 og 701 ikki, og broytingar eru eisini í ferðaætlanini hjá Teistanum í kvøld.

Síðsti túrur á Sandsleiðini verður sigldur úr Skopun klokkan 18.35, og fráferðin av Gomlurætt klokkan 20 verður framskundað til klokkan 19.10.

Túrarnir á Hestleiðini av Gomlurætt klokkan 19.10 og úr Hesti klokkan 19.30 verða ikki sigldir, skrivar Strandferðslan.