Brynhild Thomsen heldur flaggdagsrøðuna í Runavík

Mánadagur er flaggdagur, og sum vant verður flaggdagshaldið í Runavíkar kommunu við Skótahúsið við Løkin.

Á heimasíðu sínari skrivar Runavíkar kommuna, at skótar og ítróttarfeløg ganga skrúðgongu, og Nes Sóknar Musikkfelag spælir. Tórbjørn Jacobsen, borgarstjóri, fer at bjóða vælkomin, og síðani heldur Brynhild Thomsen flaggdagsrøðuna.

- Aftaná verður ein drekkamuður í skótahúsinum, og høvi verður at spæla kondibingo, sum skótarnir skipa fyri.

Ítróttarfeløg og skótar hittast 15.30 við Skúlan við Løkin.