Bumba frá 2. heimsbardaga tikin sundur í Frankfurt

AP tíðindastovan skrivar, at neyðugt var at flyta fleiri enn 1000 fólk burtur úr økinum, tá serfrøðingar skuldi taka eina bumbu sundur - demontera hana. Hetta fór fram tætt við tann evropeiska sentrabankan í týska býnum Frankfurt í dag.

Bumban hevur sín uppruna frá 2. heimsbardaga. Hon var ógvuliga tung, og tað kravdi umfatandi arbeiði fyrst at tryggja økið og síðani at taka bumbuna sundur. Hetta eydnaðist tó væl.