Uttanlands

Bumbuálop í Kabul: Fimm latið lív

Í minsta lagi fimm persónar hava latið lív, og tveir persónar eru særdir – Enn hevur eingin tikið ábyrgd fyri álopið

(Mynd: EPA)

(Mynd: EPA)

2021-02-20 09:38 Author image
Alda Nielsdóttir
placeholder

Í minsta lagi fimm persónar hava latið lív í einum bumbuálopi í afghanska høvuðsstaðnum Kabul í dag. Tveir persónar afturat eru særdir, upplýsir lokala løgreglan.

Talan var um tríggjar bumbur, sum vórðu settar upp undir bilum, sum síðani brustu ymsastaðni í býnum.

Millum tey deyðu eru bæði sivilfólk og hernaðarfólk.

Sambært Ritzau hevur enn eingin tikið ábyrgdina fyri álopið.

Taliban-rørslan hevur staðið aftanfyri einari rúgvu av deyðiligum álopum í Afghanistan, hóast bólkurin og afghanska stjórnin eru mitt í friðarsamráðingum.

Tað er ikki óvanligt, at hernaðarbólkar sum Taliban og Islamiskur Statur standa aftanfyri bumbuálopum í Afghanistan.

Sum oftast eru álopini rættaði móti løgregluni, herinum, embætisfólkum, stríðsfólkum, leiðarum í trúarsamfeløgum, ella móti tíðindafólkum.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder