Bussarnir standa, bæði í Havn og Klaksvík

Tað er ikki bara teir bláu busarnir hjá Bygdaleiðum, sum hava avlýst alla koyring í dag vegna veður.

Bæði í Havn og í Klaksvík standa býarbussarnir.

Tórshavnar kommuna boðar frá á Facebook, at Bussleiðin fyribils er avlýst, og at tað seinni verður boðað frá, nær bussarnir koyra aftur. Sum skilst er ætlanin at gera eina roynd at fáa gongd á almennu bussferðsluna í Havn út á fyrrapartin, tá roknað verður við, at koyrilíkindini eru batnað.

Eisini í Klaksvík standa býarbussarnir. 

Og Eysturkommuna boðar eisini frá, at fyribils verður ongin koyring á Eysturleiðini.