Byggivinnan manglar kavarar

Fleiri stórar havnaverkætlanir eru í gongd í hesum døgum, og fleiri verða fyrireikaðar. Í hesum sambandi hava byggi- og kavarafyritøkur tó trupulleikar við at finna føroyskar kavarar, sum hava nøktandi útbúgving, sigur Faroe Dive.

Støðan noyðir tí byggivinnuna og kavarafyritøkur at leita eftir kavarum uttanlands.

Faroe Dive sigur, at føroyska kavaravinnan hevur ment seg ómetaliga nógv seinastu árini, men enn er tó møguleiki at menna hana enn meira.