Ingi Samuelsen
Charles kongur verður ikki avmyndaður, tá Avstralia fær nýggjar 5 dollars seðlar. Tað hevur avstralski miðbankin kunngjørt.
Myndin av nú farnu Elizabeth II drotning verður ístaðin avloyst av eini tekning, sum heiðrar upprunafólkinum í Avstralia.
Miðbankin upplýsir, at ætlanin er at seta seg í samband við upprunafólkið í sambandi við, at seðilin skal gerast í nýggjari útgávu.
Tað fer at taka nøkur ár, áðrenn nýggi fimmdollarsseðilin kemur í umferð, so núverandi seðilin við drotningini kann framvegis brúkast.
Sambært miðbankanum, hevur avstralska stjórnin givið avgerðini sítt viðmæli. Sitandi forsætisráðharri í Avstralia, Antony Albanese, gongur inn fyri, at landið gerst eitt lýveldi heldur enn kongsveldi.
Charles III kongur verður tó avmyndaður á komanti myntum, verður upplýst.
Vinarliga broyt tínar kennifíla - og privatlívsstillingar fyri at síggja hetta innihald