Uttanlands

Charles prinsur: Hetta er síðsti møguleikin

Í november verður 26. veðurlagstoppfundurin hjá ST í Glasgow, og bretski prinsurin heitir á heimsleiðarar um at luttaka

– Um vit ikki taka tær avgerðirnar, sum eru umráðandi at taka nú, verður tað ómøguligt at innheinta, sigur Charles prinsur, sum heitir á heimsleiðarar um at luttaka á komandi veðurlagstoppfundinum í Glasgow í november (Mynd: EPA)

– Um vit ikki taka tær avgerðirnar, sum eru umráðandi at taka nú, verður tað ómøguligt at innheinta, sigur Charles prinsur, sum heitir á heimsleiðarar um at luttaka á komandi veðurlagstoppfundinum í Glasgow í november (Mynd: EPA)

2021-10-12 15:18 Author image
Alda Nielsdóttir
placeholder

Í november hittast heimsleiðarar á 26. veðurlagstoppfundinum hjá ST, eisini nevndur COP26, ið verður hildin í skotska býnum Glasgow.

Avstralski forsætisráðharrin, Scott Morrison hevur enn ikki endaliga boðað frá, um hann luttekur á fundinum ella ikki, men tað eigur hann at gera, heldur bretski Charles prinsur.

Tá hann í samrøðu við BBC varð spurdur, hvat hann hevði at siga við heimsleiðarar, sum vóru ivasamir um toppfundin, segði hann, at COP26-toppfundurin var ein "last chance saloon". Ein bretsk orðing, sum leysliga umsett merkir, at hetta er seinasti møguleiki at fáa nakað burturúr.

– Um vit ikki taka tær avgerðirnar, sum eru umráðandi at taka nú, verður tað ómøguligt at innheinta, sigur bretski prinsurin.

placeholder
placeholder