Danmark: 35 fólk fingið staðfest COVID-19

Talið á dønum, sum hava fingið staðfest COVID-19 er nú komið upp á 35.

Hesum boðar heimasíðan hjá Styrelsen for Patientsikkerhed frá, sambært Ritzau.

Fríggjadagin var talið á fólki í Danmark, sum vóru smittaði 21, og sostatt eru 14 tilburðir afturat skrásettir um vikuskiftið.

Í løtuni eru 628 danir í sóttarhaldi. Fólk, sum eru í sóttarhaldi heima verða sum útgangsstøði roknað sum frísk, inntil annað er staðfest.