Ingi Samuelsen
Tað verða ikki framdar fleiri ættleiðingar út útlandinum til Danmarkar fyribils. Hetta hendir eftir at einasta fyritøkan, ið hevur tikið sær av ættleiðingum, Danis International Adoption, DIA, í dag boðaði frá, at tað støðgar sínum virksemi.
Hetta hendir eftir at DIA er hevur fingið eina røð av krøvum frá kærunevndini hjá ráðnum fyri sosial-, íbúðar- og eldramálum.
Fríggjadagin upplýsti kærunevndin (ankestyrelsen) DIA um at hon fer at mæla ministaranum til at støðga øllum ættleiðingum hjá DIA úr Suðurafrika, sum er størsta veitaraland hjá DIA.
Og í gjár komu boðini um, at hetta eisini var galdadi fyri avtalurnar við Taivan, Filipsoyggjar, India, Teiland og Kekkia, sum verða strikaðar fyribils.
Pernille Rosenkrantz-Teil, ið er ministari við sosial- og íbúðarmálum sigur við TV2, at DIA ikki hevur yvirhildið nøkur krøv.
Í løtuni standa 36 familjur í Danmark og bíða eftir at fáa síni ættleiðingarmál úr hesum seks londum avgreidd, skrivar Ritzau.
Í árunum 1970 til 2010 vórðu millum 400 og 500 børn ættleidd til Danmarkar um árið. Seinastu trý árini hevur talið verið millum 20 og 40.
Vinarliga broyt tínar kennifíla - og privatlívsstillingar fyri at síggja hetta innihald