Tórshavnar kommuna: Stóra dansistevnan Havleikur 2022 endar í kvøld við galladøgverða og dansi í Ítróttarhøllini á Hálsi. Í morgun vóru umboð fyri øll londini boðin til móttøku í Móttøkuhúsinum hjá Tórshavnar kommunu.
Tað er Sláið Ring, sum skipar fyri sera umfatandi stevnuni. Í morgun møttu so umboð fyri øll luttakandi londini til eina hugnaliga móttøku hjá borgarstjóranum.
Umboð fyri londini handaðu borgarstjóranum minnisgávur, áðrenn tey spjaddust og fóru útaftur at hava dansiframførslur í Havn, m.a. á røktarheimunum.
Í Móttøkuhúsinum fingu tey so eisini høvið til at síggja stóra listasavnið, sum umboðar list úr øllum londunum, sum luttaka á dansistevnuni.
Vinarliga broyt tínar kennifíla - og privatlívsstillingar fyri at síggja hetta innihald