Danska drotningin og krúnprinsparið til Onglands at fylgja

Tað verður helst ein av størstu jarðarferðum í nýggjari tíð tá Elizabeth drotning mánadagin fer til gravar í kirkjuni Westmenister Abbey í London.

Millum tey sum fara at fylgja, vera Margretha drotning og krúnprinsparið, upplýsir danska kongshúsið.

Hátíðarhald var um vikuskiftið í sambandi við, at Margretha drotning hevur sitið á donsku trónuni í 50 ár. Men tá deyðsboðini úr Bretlandi bórust, varð ymiskt í sambandi við hátíðarhaldið tónað niður, og bæði leygardag og sunnudag varð byrjað við tøgn í ein minutt.

Les eisini: Drotning í 50 ár: Teitur Lassen og Julie Bærthelsen framførdu fyri drotningini

Kistan við Elizabeth drotning verður í dag flutt úr Skotlandi til London. Charles kongur og Camilla kongshústrú taka ímóti á Buckingham Palace.

Jarðarferðin verður mánadagin.

Les eisini: Long bíðirøð at heilsa drotningini fyri seinastu ferð