Danska løgreglan givið 40 bøtur á Stórabeltsbrúnni

Danska ferðsluløgreglan hevur hvat úr at gera í dag eftir tokvanlukkuna á Stórabeltsbrúnni, har eitt ferðafólkatok rendi á góðs, sum var dottið av einum mótkoyrandi góðstoki.

Ein stór uppgáva hjá løgregluni hevur verið at hildið skil á ferðsluni um brúnna. TV2 skrivar, at fyrr í dag mátti brúgvin steingjast umaftur, tí at langar bíðirøðir vóru, tí at bilar koyrdu so seint, og nú skrivar miðilin, at løgreglan á Fjóni hevur givið 40 bøtir til bilførarar, sum hava tikið myndir av vanlukkuni.

Løgreglan biðir fólk um at halda ferðslulógina og um at virða tey, sum eru rakt av vanlukkuni.