Danska verjuskipið Thetis komið til Føroya

Verjuskipið F357 Thetis er komið til Føroya, har tað komandi tíðina skal røkja uppgávur fyri Arktisk Kommando.

Tað boðar Arkisk Kommando frá í dag.

– Thetis varð skjótt gjørt klárt í Danmark og sent móti Føroyum, eftir at Hvidbjørnen fyrr í mánaðinum varð flutt til Grønlands.

– Hvidbjørnen loysir harvið uppgávurnar hjá Arktisk Kommando kring Grønland, og Thetis yvirtekur fyribils uppgávurnar kring Føroyar. Í mars fær Føroyar eisini vitjan av fregattini Niels Juel, stendur í fráboðanini hjá Arktisk Kommando.

– Bæði Niels Juel og Thetis eru flutt til Føroyar, tí verjuskipini Ejnar Mikkelsen og Lauge Koch framvegis hava tekniskar trupulleikar og bíða eftir umvæling.