Innanlands

Danski uttanríksiráðharrin kemur til Føroya

Jeppe Kofod og Jenis av Rana umrøða á fundi í dag millum annað langtíðarætlan fyri arktiska arbeiðið hjá londunum báðum og samstarv á uttanríkis- og trygdarpolitiska økinum. Felags tíðindafundur og vitjanir eru á skránni í morgin

Jeppe Kofod, saman við Jenisi á Rana, undir einum av sínum fyrru vitjanum. Kofod hevur umstríddur í Danmark vegna persónlig mál (Mynd: Jens Kr. Vang)

2021-10-07 12:21

Agnar Prestá

Danski uttanríkisráðharrin, Jeppe Kofod, kemur í dag, hósdagin 7. oktober, til Føroya.

Heimasíðan hjá Uttanríkismálaráðanum skrivar, at seinnapartin hava Jenis av Rana, landsstýrismaður í uttanríkismálum og Jeppe Kofod fund í Tinganesi.

- Á skrá fyri fundin er m.a. viðurskiftini millum Føroyar og ES, langtíðarætlan fyri arktiska arbeiðið hjá londunum báðum og samstarv á uttanríkis- og trygdarpolitiska økinum.

Fríggjamorgunin kl. 9 hava teir báðir tíðindafund í Salinum í Tinganesi, áðrenn danski uttanríkisráðharrin hittur Løgtingsins Uttanlandsnevnd, vitjar hjá Bakkafrosti á Glyvrum og síðani fer av landinum aftur.

Jeppe Kofod hevur tvær ferðir áður vitjað í Føroyum sum uttanríkisráðharri

Vinarliga broyt tínar kennifíla - og privatlívsstillingar fyri at síggja hetta innihald