Danskir býráðspolitikarar vilja hava kynsóheft ferðsluljós

Í fleiri donskum kommunum halda politikarar, at tíðin er farin frá at hava ein mann á reyða og grøna ljósinum, tá ein skal ganga yvir um vegin.

Tað er Kristeligt Dagblad sum veit at siga, at politikarar í eitt nú Alternative og De Radikale í Keypmannahavn og úr Eindarlistanum í Århus, vilja hava kynsóheft ferðsluljós.

Tankin er at ferðsluljósini skulu virða kynssamleikan hjá øðrum heldur enn at tað antin er ein maður ella kvinna, sum gevur boð um nær ein skal ganga ella standa.

Í London, Manchester, Munchen og Køln eru kynsóheft ferðsluljós.