Uttanlands

Datt í sprungu í innlandsísinum og doyði

Leitað var um vikuskiftið eftir einum ferðamanni í Grønlandi

(Savnsmynd: EPA)

(Savnsmynd: EPA)

2020-08-10 15:05 Author image
Ingi Samuelsen
placeholder

Alt bendir á, at ein ferðamaður, sum um vikuskiftið varð eftirlýstur í Grønlandi, er dottin í eina sprungu í innlandsísinum og deyður.

Tað var seint seinnapartin leygardagin, at løgreglan fekk fráboðan um mannin, ið varð horvin í einum øki í ein landnyðring úr Ilulissat.

Leitað var eftir manninum, men uttan úrslit fram til sunnukvøldið.

- Vit hava funnið tekin um, at viðkomandi helst er dottin í eina sprungu í innlandsísinum. Talan er um eina vanlukku, og alt bendir á, at maðurin er deyður, sigur eitt talsfólk fyri løgregluna í Ilulissat fyri Sermitsiaq.

Talan er um ein útlending, upplýsir løgreglan. 

placeholder
placeholder