Ingi Samuelsen
Advokaturin hjá Donald Trump, forseta, Rudy Giuliani, er saksøktur av demokratum í Umboðsmannatinginum.
Tey krevja, at hann letur nøkur skjøl í sambandi við møguliga ríkisrættarmálið móti Donald Trump, forseta.
Sambært trimum tingnevndum í Umboðsmannatinginum, hevur Giuliani í landsumfatandi sjónvarpi sagt, at hann bað stjórnina í Ukreina um at ’fara eftir’ fyrrverandi varaforsetanum, Joe Biden.
Stevningin er tað seinasta í nógv umrødda málinum, sum hevur skapt stórar yvirskriftir í USA seinastu dagarnar. Málið byrjaði, tá ein varskógvari boðaði frá hvat Trump hevði sagt í eini telefonsamrøðu við vorsetan í Ukreina, Volodomir Zelenskij
Sambært varskógvaranum vildi Trump hava forsetan í Ukreina til at finna fram keðiligar upplýsingar um Joe Biden, og son hansara Hunter Biden og virksemi hansara í Ukreina.
Amerikanska kongressin fer í dag undir málið um møguliga at stevna Trump fyri ein ríkisrætt.
Vinarliga broyt tínar kennifíla - og privatlívsstillingar fyri at síggja hetta innihald