Demokratarnir vilja síggja skattaskjølini hjá Trump

Demokratarnir í Umboðsmannatinginum krevja, at amerikansku skattamyndugleikarnir leysgeva sjálvuppgávuna hjá amerikanska forsetanum Donald Trump.

Demokratarnir vilja kanna, um forsetin hevði fíggjarlig og økonomisk áhugamálsósemjur í samband við handilsavtalur í útlandinum, skrivar CNN.

Tað er demokratiski limurin í Kongressini, Richard Neal, sum hevur sent eina umbøn til amerikansku skattamyndugleikarnar, har hann biður um pappírini hjá Trump frá 2013 til 2018. Neal er formaður fyri fíggjarnevndini í Umboðsmannatinginum.

Hetta er fyrstu ferð í 45 ár, at Kongressini biður um at síggja skattaviðurskiftini hjá einum forseta.