Djóradagar byrja í dag

Hóast verkfall er, so verður árliga árliga tiltakið hjá Føroya Ríðingarfelag, Djóradagar hetta vikuskiftið.

Byrjað verður klokkan 14 í dag, og endað verður klokkan 18. Soleiðis verður eisini í morgin, sunnudagin.

Føroya Ríðingarfelag skrivar, at felagið hevur lagt nógv fyri, at verkfallið ávirkar sum minst.

– Sum vanligt so verður stór framsýning av djórum, kaffisøla við vaflum o.ø. ponyríðing, hoppiborgir o.a.. Ætlanin er at tyrlan skal vitja klokkan 15 í dag, so vit muga vóna, at tað klárnar so frægt, at teir finna um hálsin og inn í Havnardal.

Tiltakið er á økinum hjá Føroya Ríðingarfelag í Havnardali, og vanliga vitja á 5-6000 fólk tiltakið.

– Men nú verður spennandi at síggja, hvussu nógv koma hesa ferð - Eitt jaligt er, um færri vitjandi eru, at so eru bíðirøðirnar tað styttri, so kanska er hetta júst lagaliga løtan at vitja Djóradagar, skrivar Føroya Ríðingarfelag.