Dømdur í trygdarvarðhald og útvístur fyri álopið við Sandá

28. apríl í 2024 leyp ein póllendingur, sum fyri kortum var komin til Føroya, á eina kvinnu við Sandá.

Hann varð dømdur í Føroya rætti fyri álop og neyðtøku, og dómurin er í dag, mikudagin 24. juni, staðfestur í Eystara landsrætti.

Har varð millum annað staðfest, at lívið hjá kvinnuni kom í vanda vegna ógvusliga álopið. Tað skrivar Frihedsbrevet.

Pólski maðurin fær hørðu revsingina trygdarvarðhald - forvaring - sum er óvanligur dómur í Føroyum.

Sambært Kringvarpinum skal 36-ára gamli maðurin sita í trygdarvarðhaldi í Danmark. Hann kann ongantíð koma til Føroya og skal rinda álopnu kvinnuni umleið 200.000 krónur fyri tort og mista arbeiðsinntøku, umframt  sakarmálskostnaðin.