Dómur fallin í stórum rúsevnismáli

Dómur fall í Føroya rætti í gjár í rúsevnismáli.

Talan er um stórt rúsevnismál, har tveir menn royndu at smugla 12 kilo og 18 kilo av hassji til Føroya í fjørheyst.

Menninir, sum eru mitt í tjúgunum og fyrst í tretvinum, vórðu dømdir ávikavist 1 ár og 9 mánaðir og 2 ár og 6 mánaðir fongsul, veit útvarpið.

Dømdu menninir og ákæruvaldið hava biðið um umhugsunartíð áðrenn støða verður tikin til, um dómurin skal kærast.